ᱢᱩᱨᱩᱢ ᱟᱨ ᱥᱤᱠᱟᱹᱨᱤᱭᱟᱹ
ᱢᱤᱫᱼᱴᱮᱱ ᱢᱩᱨᱩᱢ ᱰᱟᱹᱰᱤ ᱨᱮ ᱫᱟᱜᱼᱮ ᱧᱩᱭᱮᱫ ᱠᱟᱱ ᱛᱟᱦᱮᱸ ᱠᱟᱱᱟ᱾ ᱫᱟᱜ ᱨᱮ ᱟᱭᱟᱜ ᱫᱤᱨᱤᱧ ᱨᱮᱱᱟᱜ ᱜᱟᱛᱮᱭ ᱧᱮᱞ ᱧᱟᱢ ᱠᱮᱫᱟ᱾ ᱚᱱᱟ ᱧᱮᱞ ᱠᱟᱛᱮᱜ ᱟᱹᱰᱤ ᱜᱚᱨᱚᱵᱮ ᱵᱩᱡᱽᱦᱟᱹᱣ ᱠᱮᱫᱟ᱾ ᱢᱚᱱᱮ ᱢᱚᱱᱮ ᱛᱮᱭ ᱢᱮᱱ ᱠᱮᱫᱟ, “ᱛᱤᱱᱟᱹᱜ ᱱᱟᱯᱟᱭ ᱫᱤᱨᱤᱧ ᱛᱤᱧ᱾ ᱤᱧᱟᱜ ᱡᱟᱝᱜᱟ ᱦᱚᱸ ᱱᱚᱝᱠᱟ ᱦᱩᱭᱞᱮᱱ ᱠᱷᱟᱱ ᱟᱹᱰᱤ ᱱᱟᱯᱟᱭ ᱟᱨ ᱠᱮᱴᱮᱡ ᱠᱚᱜᱼᱟ᱾ ᱫᱩᱠᱷ ᱫᱚ ᱱᱚᱣᱟ ᱜᱤ, ᱤᱧᱟᱜ ᱡᱟᱝᱜᱟ ᱫᱚ ᱱᱤᱱᱦᱤᱡ ᱜᱤᱭᱟ᱾”
 |
| ᱢᱩᱨᱩᱢ ᱰᱟᱹᱰᱤ ᱨᱮ ᱫᱟᱜᱼᱮ ᱧᱩ ᱠᱟᱱᱟ᱾ |
ᱚᱱᱟ ᱚᱠᱛᱮ ᱜᱤ ᱢᱤᱫ ᱥᱤᱠᱟᱹᱨᱤᱭᱟᱹ ᱚᱱᱰᱮᱭ ᱥᱮᱴᱮᱨ ᱮᱱᱟ᱾ ᱩᱱᱤ ᱢᱩᱨᱩᱢ ᱧᱮᱞ ᱠᱟᱛᱮᱜ ᱥᱟᱨᱮ ᱛᱩᱧ ᱠᱮᱫᱟ᱾ ᱢᱩᱨᱩᱢ ᱫᱚ ᱚᱱᱟ ᱧᱮᱞ ᱛᱮ ᱫᱚᱱ ᱠᱟᱛᱮᱜ ᱫᱟᱹᱲᱮ ᱞᱟᱜᱟᱣ ᱮᱱᱟ᱾ ᱚᱱᱟ ᱱᱤᱱᱦᱤᱡ ᱡᱟᱝᱜᱟ ᱛᱮ ᱜᱤ ᱩᱥᱟᱹᱨᱟ ᱫᱟᱹᱲ ᱠᱟᱛᱮᱜᱼᱮ ᱪᱩᱠᱩ ᱮᱱᱟ᱾
 |
| ᱥᱤᱠᱟᱹᱨᱤᱭ ᱛᱩᱛᱩᱧ ᱠᱟᱠᱟ᱾ |
ᱢᱮᱱᱠᱷᱟᱱ ᱚᱠᱟ ᱥᱮᱡᱼᱮ ᱫᱟᱹᱲ ᱮᱫᱟ ᱚᱱᱟ ᱵᱟᱭ ᱧᱮᱞ ᱫᱟᱨᱟᱢ ᱞᱮᱫ ᱛᱮ, ᱞᱮᱯᱮ ᱫᱟᱨᱮ ᱰᱟᱹᱨ ᱞᱟᱛᱟᱨ ᱛᱮ ᱯᱟᱨᱚᱢᱚᱜ ᱚᱠᱛᱮ ᱫᱤᱨᱤᱧ ᱰᱷᱟᱝᱮᱱ ᱛᱟᱭᱟ᱾ ᱤᱱᱟᱹᱛᱮ ᱥᱤᱠᱟᱹᱨᱤᱭᱟᱹ ᱫᱚ ᱢᱩᱨᱩᱢᱮ ᱞᱟᱜᱟ ᱛᱤᱭᱟᱹᱜ ᱠᱤᱫᱤᱭᱟ᱾
 |
| ᱢᱩᱨᱩᱢᱟᱜ ᱫᱤᱨᱤᱧ ᱰᱟᱹᱨ ᱨᱮ ᱰᱟᱝᱮᱱ ᱛᱟᱭᱟ᱾ |
ᱢᱩᱨᱩᱢ ᱩᱱᱨᱮ ᱟᱱᱰᱨᱟᱣ ᱟᱛᱮᱭ ᱢᱮᱱ ᱠᱮᱫᱟ, “ᱫᱩᱠᱷ ᱫᱚ ᱱᱚᱣᱟ ᱜᱤ, ᱟᱭᱢᱟ ᱚᱠᱛᱮ ᱜᱤ ᱟᱵᱩᱣᱟᱜ ᱡᱟᱹᱨᱩᱲᱟᱱ ᱡᱤᱱᱤᱥ ᱜᱤ ᱵᱩ ᱱᱟᱥᱲᱟᱣᱟᱤ᱾”
