ᱠᱩᱞᱟᱹᱭ ᱟᱨ ᱨᱚᱴᱮ

ᱠᱩᱞᱟᱹᱭ ᱟᱨ ᱨᱚᱴᱮ

ᱠᱩᱞᱟᱹᱭ ᱵᱚᱛᱚᱨ ᱨᱮ ᱢᱮᱱᱟᱜ ᱠᱚᱣᱟ᱾

ᱢᱤᱫᱼᱴᱮᱱ ᱵᱤᱨ ᱨᱮ ᱠᱩᱞᱟᱹᱭ ᱠᱳ ᱛᱟᱦᱮᱸ ᱠᱟᱱᱟ᱾ ᱮᱴᱟᱜ ᱡᱟᱱᱣᱟᱨ ᱠᱳ ᱴᱷᱮᱱ ᱟᱹᱰᱤ ᱠᱳ ᱠᱚᱪᱞᱚᱱ ᱟᱪᱚᱜ ᱠᱟᱱ ᱛᱟᱦᱮᱸ ᱠᱟᱱᱟ᱾ ᱚᱱᱟ ᱛᱮ ᱥᱟᱨᱟ ᱜᱷᱟᱹᱲᱤᱡ ᱵᱚᱛᱚᱨ ᱨᱮ ᱠᱳ ᱛᱟᱦᱮᱱ ᱠᱟᱱ ᱛᱟᱦᱮᱸ ᱠᱟᱱᱟ᱾ ᱢᱮᱱᱠᱷᱟᱱ ᱠᱚᱪᱞᱚᱱ ᱠᱷᱚᱱ ᱵᱟᱧᱪᱟᱣ ᱞᱟᱹᱜᱤᱫ ᱚᱠᱟᱛᱮ ᱠᱳ ᱪᱟᱞᱟᱜᱼᱟ ᱵᱟᱠᱳ ᱵᱩᱡᱽᱦᱟᱹᱣ ᱫᱟᱲᱮᱜ ᱠᱟᱱ ᱛᱟᱦᱮᱸ ᱠᱟᱱᱟ᱾ ᱱᱟᱥᱮ ᱡᱟᱦᱟᱱ ᱡᱟᱱᱣᱟᱨ ᱠᱳ ᱫᱟᱹᱲ ᱟᱹᱜᱩ ᱞᱮᱠᱷᱟᱱ ᱜᱤ ᱵᱚᱛᱚᱨ ᱛᱮ ᱟᱠᱳ ᱦᱚᱸ ᱠᱳ ᱫᱟᱹᱲᱮᱫ ᱠᱟᱱ ᱛᱟᱦᱮᱸ ᱠᱟᱱᱟ᱾

ᱥᱟᱫᱚᱢ ᱠᱳ ᱫᱟᱹᱲ ᱟᱹᱜᱩ ᱮᱫᱟ᱾

ᱢᱤᱫ ᱫᱤᱱ ᱫᱚ ᱵᱤᱨ ᱨᱮᱱ ᱥᱟᱫᱚᱢ ᱦᱟᱰᱵᱟᱰ ᱠᱩᱞᱟᱹᱭ ᱥᱮᱡ ᱠᱳ ᱫᱟᱹᱲ ᱟᱹᱜᱩᱭᱮᱫ ᱠᱟᱱ ᱛᱟᱦᱮᱸ ᱠᱟᱱᱟ᱾ ᱚᱱᱟ ᱧᱮᱞ ᱛᱮ ᱠᱩᱞᱟᱹᱭ ᱠᱳ ᱫᱚ ᱵᱚᱛᱚᱨ ᱛᱮ ᱠᱳ ᱟᱸᱫᱽᱢᱟᱸᱫᱟᱣ ᱮᱱᱟ᱾ ᱱᱚᱝᱠᱟ ᱵᱚᱛᱚᱨ ᱨᱮ ᱛᱟᱦᱮᱱ ᱠᱷᱚᱱ ᱜᱚᱡᱚᱜ ᱜᱤ ᱵᱷᱟᱜᱮ ᱠᱳ ᱩᱭᱦᱟᱹᱨ ᱠᱮᱫᱟ᱾ ᱚᱱᱟᱛᱮ ᱩᱱᱩᱢ ᱜᱚᱡᱚᱜ ᱞᱟᱹᱜᱤ ᱵᱩᱨᱩ ᱟᱲᱮ ᱨᱮᱱᱟᱜ ᱢᱩᱰᱩ ᱨᱮ ᱠᱳ ᱫᱟᱹᱲ ᱤᱫᱤ ᱠᱮᱫᱟ᱾

ᱠᱩᱞᱟᱹᱭ ᱧᱮᱞ ᱛᱮ ᱨᱚᱴᱮ ᱠᱳ ᱫᱚᱱ ᱠᱮᱫᱟ᱾

ᱢᱮᱱᱠᱷᱟᱱ ᱢᱩᱰᱩ ᱟᱲᱮ ᱨᱮ ᱥᱮᱱ ᱠᱟᱛᱮᱜ ᱠᱳ ᱧᱮᱞ ᱠᱮᱫᱟ ᱟᱭᱢᱟ ᱜᱟᱱ ᱨᱚᱴᱮ ᱠᱩᱞᱟᱹᱭ ᱫᱟᱹᱲ ᱟᱹᱜᱩ ᱧᱮᱞ ᱛᱮ ᱵᱚᱛᱚᱨ ᱛᱮ ᱢᱩᱰᱩ ᱫᱟᱜ ᱨᱮ ᱟᱠᱵᱟᱠ ᱠᱳ ᱫᱚᱱ ᱯᱷᱮᱰ ᱮᱱᱟ᱾ ᱚᱱᱟ ᱧᱮᱞ ᱠᱟᱛᱮᱜ ᱢᱤᱫᱼᱴᱮᱱ ᱠᱩᱞᱟᱹᱭ ᱫᱚᱭ ᱢᱮᱱ ᱠᱮᱫᱟ, “ᱟᱥᱚᱞᱮ ᱡᱟᱦᱟᱱᱟᱜ ᱜᱤ ᱛᱤᱱᱟᱹᱜ ᱵᱚᱛᱚᱨ ᱧᱮᱞᱚᱜ ᱤᱱᱟᱹᱜ ᱵᱚᱛᱚᱨᱟᱜ ᱫᱚ ᱵᱟᱝ ᱠᱟᱱᱟ᱾ ᱧᱮᱞ ᱢᱮ, ᱟᱯᱱᱟᱨ ᱠᱷᱚᱱ ᱠᱷᱟᱨᱟᱯ ᱚᱵᱚᱥᱛᱷᱟ ᱨᱮᱦᱚᱸ ᱮᱴᱟᱜ ᱠᱳ ᱢᱮᱱᱟᱜ ᱠᱚᱣᱟ᱾”