ᱵᱟᱝᱞᱟᱫᱤᱥᱟᱹᱢ ᱨᱮᱱ ᱱᱟᱣ ᱥᱚᱨᱠᱟᱨ ᱠᱤᱨᱤᱭᱟᱹᱭ ᱦᱟᱛᱟᱣ ᱠᱮᱫᱟ᱾

ᱠᱤᱨᱤᱭᱟᱹ ᱦᱟᱛᱟᱣ ᱟᱠᱷᱲᱟ

ᱦᱚᱞᱟ ᱑᱗ ᱯᱷᱮᱵᱨᱩᱣᱟᱨᱤ ᱒᱐᱒᱖ ᱥᱮᱛᱟᱜ ᱑᱐ᱹ᱐᱐ ᱴᱟᱲᱟᱝ ᱨᱮ ᱱᱮᱥᱱᱟᱞ ᱯᱟᱨᱞᱟᱢᱮᱱᱴ ᱨᱮᱭᱟᱜ ᱠᱤᱨᱤᱭᱟᱹ ᱠᱷᱚᱯ ᱨᱮ ᱱᱟᱣᱟ ᱯᱟᱨᱞᱟᱢᱮᱱᱴ ᱨᱟᱹᱥᱤᱭᱟᱹ ᱠᱳ ᱠᱤᱨᱤᱭᱟᱹ ᱠᱳ ᱦᱟᱛᱟᱣ ᱠᱮᱫᱟ᱾ ᱢᱩᱠᱷᱤᱭᱟᱹ ᱤᱞᱮᱠᱥᱚᱱ ᱠᱚᱢᱤᱥᱚᱱᱟᱨ ᱮ ᱮᱢ ᱮᱢ ᱱᱟᱥᱤᱨᱩᱫᱫᱤᱱ ᱱᱚᱣᱟ ᱠᱤᱨᱤᱭᱟᱹ ᱫᱚᱭ ᱦᱟᱛᱟᱣ ᱟᱪᱚ ᱠᱮᱫ ᱠᱚᱣᱟ᱾ ᱥᱚᱝᱵᱤᱫᱷᱟᱱ ᱨᱮᱱᱟᱜ ᱱᱤᱭᱚᱢ ᱞᱮᱠᱟ ᱛᱮ ᱫᱚ ᱯᱟᱮᱞᱟᱢᱮᱱᱴ ᱤᱥᱯᱤᱠᱟᱨ ᱱᱚᱣ ᱠᱤᱨᱤᱭᱟᱹ ᱦᱟᱛᱟᱣ ᱟᱪᱚ ᱞᱮᱠ ᱠᱟᱱᱟ᱾ ᱢᱮᱱᱠᱷᱟᱱ ᱱᱤᱭᱟᱹ ᱫᱷᱟᱣ ᱫᱚ ᱫᱤᱥᱟᱹᱢ ᱨᱮᱱᱟᱜ ᱚᱵᱚᱥᱛᱷᱟ ᱡᱚᱫᱟᱹ ᱜᱤ ᱛᱮ ᱤᱞᱮᱠᱥᱚᱱ ᱠᱚᱢᱤᱥᱚᱱᱟᱨ ᱠᱤᱨᱤᱭᱟᱹᱭ ᱦᱟᱛᱟᱣ ᱟᱪᱚ ᱠᱮᱫ ᱠᱚᱣᱟ᱾ ᱫᱷᱤᱱᱟᱹᱝ ᱥᱮᱡ ᱫᱚ ᱫᱤᱥᱟᱹᱢ ᱜᱚᱝᱠᱮ ᱢᱳᱦᱟᱢᱢᱚᱫᱽ ᱥᱟᱦᱟᱵᱩᱫᱫᱤᱱ ᱱᱟᱣᱟ ᱢᱤᱱᱤᱥᱴᱨᱤ ᱨᱮᱱ ᱨᱟᱹᱥᱤᱭᱟᱹ ᱠᱳᱭ ᱠᱤᱨᱤᱭᱟᱹ ᱟᱪᱚ ᱠᱮᱫ ᱠᱚᱣᱟ᱾

ᱱᱤᱭᱟᱹ ᱫᱷᱟᱣ ᱫᱚ ᱵᱟᱝᱞᱟᱫᱮᱥ ᱱᱮᱥᱱᱟᱞᱤᱥ ᱯᱟᱨᱴᱤ(ᱵᱤ ᱮᱱ ᱯᱤ)ᱭᱟᱜ ᱟᱹᱭᱩᱨ ᱛᱮ ᱱᱟᱣᱟ ᱥᱚᱨᱠᱟᱨ ᱛᱤᱝᱜᱩ ᱮᱱᱟ᱾ ᱱᱤᱭᱟᱹ ᱫᱷᱟᱣ ᱨᱮᱱᱟᱜ ᱵᱟᱪᱷᱱᱟᱣ ᱨᱮ ᱒᱙᱙ ᱜᱚᱴᱟᱝ ᱥᱤᱴ ᱠᱷᱚᱱ ᱒᱐᱙ ᱜᱚᱴᱟᱝ ᱥᱤᱴ ᱫᱚ ᱵᱤ ᱮᱱ ᱯᱤ ᱠᱳ ᱧᱟᱢ ᱟᱠᱟᱫᱟ᱾ ᱵᱤᱨᱳᱫᱷᱤ ᱫᱚᱞ ᱞᱮᱠᱟᱛᱮ ᱡᱟᱢᱟᱛᱤ ᱤᱥᱞᱟᱢ ᱠᱳ ᱛᱟᱦᱮᱸᱱ ᱠᱟᱱᱟ᱾ 

ᱱᱩᱭ ᱥᱚᱨᱠᱟᱨᱟᱜ ᱢᱚᱱᱛᱨᱤ ᱥᱚᱵᱷᱟ ᱨᱮ ᱔᱙ ᱨᱟᱹᱥᱤᱭᱟᱹ ᱠᱳ ᱛᱟᱦᱮᱱ ᱠᱟᱱᱟ᱾ ᱩᱱᱠᱩ ᱢᱩᱫᱽ ᱨᱮ ᱒᱕ ᱜᱚᱴᱟᱝ ᱫᱚ ᱢᱚᱱᱛᱨᱤ ᱟᱨ ᱒᱔ ᱜᱚᱴᱟᱝ ᱫᱚ ᱯᱨᱚᱛᱤᱢᱚᱱᱛᱨᱤ᱾

ᱵᱷᱮᱰᱮᱛ - The Daily Star, সমকাল, প্রথম আলো