ᱵᱟᱝᱞᱟᱫᱤᱥᱟᱹᱢ ᱨᱮᱱᱟᱜ ᱑᱓ ᱟᱱᱟᱜ ᱡᱟᱹᱛᱤᱭᱟᱹᱨᱤ ᱵᱟᱪᱷᱱᱟᱣ
 |
| ᱵᱟᱪᱷᱱᱟᱣ ᱒᱐᱒᱖ |
ᱦᱚᱞᱟ ᱑᱒ ᱯᱷᱮᱵᱨᱩᱣᱟᱨᱤ ᱒᱐᱒᱖ ᱥᱮᱛᱟᱜ ᱗ᱹ᱓᱐ ᱴᱟᱲᱟᱝ ᱠᱷᱚᱱ ᱛᱟᱨᱟᱥᱤᱧ ᱔ᱹ᱓᱐ ᱴᱟᱲᱟᱝ ᱦᱟᱹᱵᱤᱡ
ᱵᱟᱝᱞᱟᱫᱤᱥᱟᱹᱢ ᱨᱮᱱᱟᱜ ᱑᱓ ᱟᱱᱟᱜ ᱡᱟᱹᱛᱤᱭᱟᱹᱨᱤ ᱵᱟᱪᱷᱱᱟᱣ ᱥᱮ ᱯᱟᱨᱞᱟᱢᱮᱱᱴ ᱤᱞᱮᱠᱥᱚᱱ ᱦᱩᱭ ᱮᱱᱟ᱾ ᱚᱱᱟ ᱵᱟᱪᱷᱱᱟᱣ ᱨᱮ ᱕᱐ ᱫᱚᱞ ᱠᱳ ᱥᱮᱞᱮᱫ ᱞᱮᱱᱟ᱾ ᱢᱤᱫ ᱴᱮᱱ ᱠᱮᱱᱰᱤᱰᱮᱴᱮ ᱜᱚᱡ ᱟᱠᱟᱱ ᱠᱷᱟᱹᱛᱤᱨ ᱥᱮᱨᱯᱩᱨ-᱓ ᱥᱤᱴ ᱨᱮ ᱫᱚ ᱵᱟᱪᱷᱱᱟᱣ ᱵᱟᱝ ᱦᱩᱭ ᱦᱟᱛᱟᱲᱚᱜ ᱠᱟᱱᱟ᱾ ᱤᱞᱮᱠᱥᱚᱱ ᱠᱚᱢᱤᱥᱚᱱᱟᱜ ᱞᱟᱹᱭ ᱞᱮᱠᱟᱛᱮ, ᱱᱤᱭᱟᱹ ᱫᱷᱟᱣ ᱨᱮᱱᱟᱜ ᱵᱟᱪᱷᱱᱟᱣ ᱨᱮ ᱓᱐᱐ ᱥᱤᱴ ᱢᱩᱫ ᱨᱮ ᱒᱙᱙ ᱥᱤᱴ ᱨᱮ ᱒,᱐᱒᱘ ᱠᱮᱱᱰᱤᱰᱮᱴ ᱠᱳ ᱛᱟᱦᱮᱸ ᱠᱟᱱᱟ᱾ ᱤᱱᱟᱹ ᱢᱩᱫ ᱨᱮ ᱥᱚᱛᱚᱱᱛᱨᱚ ᱠᱮᱱᱰᱤᱰᱮᱴ ᱫᱚ ᱒᱗᱓ ᱜᱚᱴᱟᱝ᱾ ᱛᱤᱨᱞᱟᱹ ᱠᱮᱱᱰᱤᱰᱮᱴ ᱫᱚ ᱘᱑ ᱜᱚᱴᱟᱝ ᱠᱳ ᱛᱟᱦᱮᱸ ᱠᱟᱱᱟ᱾
ᱱᱤᱭᱟᱹ ᱫᱷᱟᱣ ᱨᱮᱱᱟᱜ ᱵᱟᱪᱷᱱᱟᱣ ᱨᱮ ᱫᱚ ᱑᱒,᱗᱗,᱑᱑,᱗᱙᱓ ᱜᱚᱴᱟᱝ ᱵᱷᱳᱴᱟᱨ ᱠᱳ ᱛᱟᱦᱮᱸ ᱠᱟᱱᱟ᱾ ᱱᱩᱠᱩ ᱢᱩᱫᱽ ᱨᱮ ᱵᱟᱵᱟ ᱵᱷᱳᱴᱟᱨ ᱫᱚ ᱖,᱔᱘,᱒᱕,᱓᱖᱑ ᱜᱚᱴᱟᱝ, ᱛᱤᱨᱞᱟᱹ ᱵᱷᱳᱴᱟᱨ ᱫᱚ ᱖,᱒᱘,᱘᱕,᱒᱐᱐ ᱜᱚᱴᱟᱝ ᱟᱨ ᱦᱤᱡᱽᱲᱟ ᱵᱷᱳᱴᱟᱨ ᱫᱚ ᱑,᱒᱓᱒ ᱜᱚᱴᱟᱝ ᱠᱳ ᱛᱟᱦᱮᱸ ᱠᱟᱱᱟ᱾
ᱱᱚᱣᱟ ᱵᱟᱪᱷᱱᱟᱣ ᱨᱮ ᱔᱒,᱙᱕᱘ ᱜᱚᱴᱟᱝ ᱵᱷᱳᱴ ᱥᱮᱱᱴᱟᱨ ᱛᱟᱦᱮᱸ ᱠᱟᱱᱟ᱾ ᱵᱟᱪᱷᱱᱟᱣ ᱨᱮ ᱓᱕᱐ ᱜᱚᱴᱟᱝ ᱵᱤᱫᱮᱥᱤ ᱧᱮᱧᱮᱞᱤᱭᱟᱹ ᱠᱳ ᱛᱟᱦᱮᱸ ᱞᱮᱱᱟ᱾
ᱛᱤᱦᱤᱧ ᱑᱔ ᱯᱷᱮᱵᱨᱩᱣᱟᱨᱤ ᱥᱮᱛᱟᱜ ᱦᱟᱹᱵᱤᱡ ᱛᱮ ᱑᱙᱗ ᱜᱚᱴᱟᱝ ᱥᱤᱴ ᱨᱮᱱᱟᱜ ᱵᱷᱳᱴ ᱞᱮᱠᱷᱟ ᱧᱟᱢ ᱟᱠᱟᱱᱟ᱾ ᱚᱱᱟ ᱨᱮ ᱵᱟᱝᱞᱟᱫᱮᱹᱥ ᱱᱮᱥᱚᱱᱟᱞᱤᱥᱴ ᱯᱟᱨᱴᱤ(ᱵᱤ,ᱮᱱ,ᱯᱤ) ᱟᱨ ᱥᱟᱶ ᱨᱮᱱ ᱠᱳ ᱧᱟᱢ ᱟᱠᱟᱫᱟ ᱒᱐᱙ ᱥᱤᱴ, ᱡᱟᱢᱟᱛ ᱟᱨ ᱥᱟᱶ ᱨᱮᱱ ᱠᱳ ᱧᱟᱢ ᱟᱠᱟᱫᱟ ᱖᱘ ᱜᱚᱴᱟᱝ ᱥᱤᱴ, ᱱᱮᱥᱱᱟᱞ ᱥᱤᱴᱤᱡᱮᱱ ᱯᱟᱨᱴᱤ(ᱮᱱ,ᱥᱤ,ᱯᱤ) ᱠᱳ ᱧᱟᱢ ᱟᱠᱟᱫᱟ ᱖ ᱜᱚᱴᱟᱝ ᱥᱤᱴ, ᱵᱟᱝᱞᱟᱫᱮᱹᱥ ᱠᱷᱮᱞᱟᱯᱷᱚᱛ ᱢᱚᱡᱽᱞᱤᱥ ᱠᱳ ᱧᱟᱢ ᱟᱠᱟᱫᱟ ᱒ ᱥᱤᱴ, ᱤᱥᱞᱟᱢᱤ ᱟᱱᱫᱳᱞᱚᱱ ᱵᱟᱝᱞᱟᱫᱮᱹᱥ ᱠᱳ ᱧᱟᱢ ᱟᱠᱟᱫᱟ ᱑ ᱴᱮᱱ, ᱥᱚᱛᱚᱱᱛᱨᱚ ᱠᱮᱱᱰᱤᱰᱮᱴ ᱗ ᱜᱚᱴᱟᱝ ᱥᱤᱴ ᱟᱨ ᱮᱴᱟᱜ ᱠᱳ ᱠᱳ ᱧᱟᱢ ᱟᱠᱟᱫᱟ ᱔ ᱜᱚᱴᱟᱝ ᱥᱤᱴ᱾
ᱜᱚᱱᱚᱵᱷᱳᱴ ᱥᱮ ᱨᱮᱯᱷᱟᱨᱮᱱᱰᱟᱢ ᱨᱮ ᱖᱕ᱹ᱓% ᱦᱟᱸ ᱥᱮᱡ ᱵᱷᱳᱴ ᱦᱩᱭ ᱟᱠᱟᱱᱟ᱾
