ᱠᱟᱞᱩ ᱧᱩᱛᱩᱢᱟᱱ ᱠᱟᱠᱛᱟᱨᱩᱣᱟ
ᱢᱤᱫ ᱴᱮᱱ ᱠᱟᱠᱛᱟᱨᱩᱣᱟᱭ ᱛᱟᱦᱮᱸ ᱠᱟᱱᱟ᱾ ᱩᱱᱤᱭᱟᱜ ᱧᱩᱛᱩᱢ ᱠᱟᱞᱩ ᱛᱟᱦᱮᱸ ᱠᱟᱱᱟ ᱾ ᱩᱱᱤᱟᱜ ᱵᱩᱥᱩᱵ ᱛᱤ, ᱵᱩᱥᱩᱵ ᱡᱟᱝᱜᱟ ᱟᱨ ᱵᱩᱥᱩᱵ ᱦᱚᱲᱢᱚ ᱛᱟᱦᱮᱸ ᱠᱟᱱ ᱛᱟᱭᱟ᱾ ᱩᱱᱤᱭᱟᱜ ᱞᱩᱜᱽᱲᱤ ᱫᱚ ᱟᱹᱰᱤ ᱚᱲᱮᱡ ᱥᱟᱨᱴ ᱟᱨ ᱠᱷᱟᱴᱚ ᱫᱷᱳᱛᱤ ᱛᱟᱦᱮᱸ ᱠᱟᱱᱟ ᱾ ᱩᱱᱤᱟᱜ ᱵᱟᱱᱟᱨ ᱛᱤ ᱨᱮ ᱵᱟᱨᱭᱟ ᱠᱷᱟᱹᱞᱤ ᱴᱤᱱ ᱠᱟᱹᱣᱴᱟᱹ ᱟᱠᱟ ᱛᱟᱦᱮᱸ ᱠᱟᱱᱟ ᱾ ᱠᱟ.ᱴᱤᱡ ᱦᱚᱭᱛᱮ ᱚᱱᱟᱫᱚ ᱞᱟᱲᱟᱜᱼᱟ᱾ ᱥᱟᱰᱮᱭᱟ ᱴᱷᱚᱱ ᱴᱷᱚᱱ ᱡᱷᱚᱱ ᱡᱷᱚᱱ᱾ ᱚᱱᱟ ᱥᱟᱰᱮ ᱛᱮ ᱠᱟᱞᱩᱣᱟᱜ ᱨᱤᱫᱟᱹᱭ ᱨᱟᱹᱥᱠᱟᱹ ᱛᱮ ᱮᱱᱮᱡᱚᱜ ᱛᱟᱭᱟ᱾ ᱩᱱᱤᱟᱜ ᱚᱲᱟᱜ ᱵᱟᱝ ᱛᱟᱦᱮᱸ ᱠᱟᱱᱟ, ᱫᱩᱣᱟᱹᱨ ᱦᱚᱸ ᱵᱟᱝ᱾ ᱩᱱᱤ ᱫᱚ ᱜᱚᱴᱟ ᱫᱤᱱ ᱠᱷᱮᱛ ᱛᱟᱞᱟ ᱨᱮ ᱛᱤᱸᱜᱩ ᱠᱟᱛᱮ ᱚᱛ ᱨᱮ ᱵᱤᱫ ᱟᱠᱟᱱ ᱢᱤᱫ ᱡᱮᱞᱮᱝ ᱴᱷᱮᱝᱜᱟ ᱨᱮᱭ ᱛᱤᱝᱜᱩ ᱠᱚᱜᱟ᱾ ᱩᱱᱤᱭᱟᱜ ᱵᱚᱦᱚᱜ ᱫᱚ ᱢᱤᱫ ᱢᱟᱨᱮ ᱦᱟᱥᱟ ᱴᱩᱠᱩᱡ᱾ ᱚᱠᱚᱭ ᱪᱚ ᱱᱚᱣᱟ ᱨᱮ ᱵᱟᱨᱭᱟ ᱜᱳᱞ ᱜᱳᱞ ᱢᱮᱫᱠᱚ ᱨᱚᱝ ᱞᱮᱫᱟ᱾ ᱟᱨ ᱩᱱᱤᱭᱟᱜ ᱢᱩᱴᱷᱟᱹᱱ ᱢᱚᱪᱟ ᱨᱮ ᱡᱮᱞᱮᱝ, ᱡᱮᱞᱮᱝ ᱰᱟᱴᱟ ᱾ ᱩᱱᱤᱭᱟᱜ ᱢᱮᱫ ᱟᱨ ᱩᱱᱤᱭᱟᱜ ᱢᱩᱴᱷᱟᱹᱱᱮᱢ ᱧᱮᱞ ᱞᱮᱠᱷᱟᱱ ᱠᱚᱲᱟᱢ ᱵᱚᱛᱚᱨ ᱛᱮ ᱫᱩᱨᱩᱯ ᱧᱩᱨᱩᱜ ᱛᱟᱢᱟ ᱾ ᱱᱚᱣᱟ ᱫᱚ ᱥᱟᱹᱨᱤ ᱠᱟᱛᱷᱟ ᱜᱮ᱾ ᱚᱠᱟᱨᱮ ᱜᱮ ᱠᱷᱮᱛ ᱟᱲᱮ ᱟᱲᱮ ᱨᱮ ᱡᱟᱱᱣᱟᱨ ᱠᱚ ᱛᱟᱦᱮᱸ ᱠᱟᱱᱟ, ᱠᱟᱞᱩ ᱧᱮᱞ ᱠᱟᱛᱮᱜ ᱠᱚ ᱵᱚᱛᱚᱨ ᱮᱱᱟ ᱾ ᱠᱟᱞᱩ ᱫᱚ ᱠᱷᱮᱛ ᱨᱮᱱ ᱨᱟᱡᱟ ᱞᱮᱠᱟᱭ ᱛᱟᱦᱮᱸ ᱠᱟᱱᱟ᱾
ᱠᱟᱞᱩ ᱚᱱᱟ ᱛᱮ ᱟᱹᱰᱤ ᱠᱩᱥᱤ ᱢᱮᱱᱟᱭᱟ ᱾ ᱩᱱᱤᱭᱟᱜ ᱠᱟᱹᱢᱤ ᱫᱚ ᱵᱤᱨ ᱨᱮᱱ ᱡᱟᱱᱣᱟᱨ ᱠᱚ ᱵᱚᱛᱚᱨ ᱚᱪᱚ᱾ ᱚᱱᱟ ᱠᱷᱟᱹᱛᱤᱨ ᱛᱮᱜᱮ ᱩᱱᱤ ᱨᱮᱱ ᱢᱟᱞᱤᱠ ᱦᱤᱨᱟᱞᱟᱞ ᱥᱮᱱ ᱫᱚ ᱩᱱᱤ ᱠᱷᱮᱛ ᱛᱟᱞᱟ ᱨᱮ ᱛᱤᱸᱜᱩ ᱚᱪᱚ ᱟᱠᱟᱫᱮᱭᱟᱭ᱾ ᱜᱚᱴᱟ ᱯᱟᱥᱮ ᱪᱮᱬᱮ, ᱜᱩᱰᱩ, ᱥᱩᱠᱨᱤ ᱟᱨ ᱜᱟᱹᱭ ᱠᱚ ᱢᱮᱱᱟᱜ ᱠᱚᱣᱟ ᱾ ᱡᱚᱛᱚ ᱦᱚᱲ ᱜᱮ ᱠᱷᱮᱛ ᱨᱮᱱᱟᱜ ᱦᱩᱲᱩ ᱠᱚ ᱠᱚᱭᱚᱜ ᱟᱠᱟᱫᱟ᱾ ᱢᱮᱱᱠᱷᱟᱱ ᱪᱮᱫᱟᱜ ᱥᱮ ᱠᱟᱞᱩ ᱚᱱᱰᱮ ᱢᱮᱱᱟᱭ ᱛᱮ ᱚᱠᱚᱭ ᱦᱚᱸ ᱠᱷᱮᱛ ᱨᱮ ᱵᱟᱠᱚ ᱵᱚᱞᱚ ᱫᱟᱲᱮᱭᱟᱜᱼᱟ᱾
ᱱᱤᱭᱟᱹ ᱫᱷᱟᱣ, ᱠᱷᱮᱛ ᱨᱮ ᱜᱮᱞ ᱛᱩᱨᱩᱭ ᱟᱱᱟ ᱯᱷᱟᱨᱪᱟ ᱦᱩᱭ ᱟᱠᱟᱱᱟ ᱾ ᱢᱤᱫ ᱫᱤᱱ ᱦᱤᱨᱟᱞᱟᱞ ᱥᱮᱱ ᱫᱚ ᱠᱷᱮᱛ ᱨᱮ ᱦᱮᱡ ᱠᱟᱛᱮᱡᱼᱮ ᱢᱮᱱ ᱠᱮᱫᱟ — "ᱵᱟᱵᱟ ᱠᱟᱞᱩ! ᱟᱢ ᱫᱚ ᱥᱟᱹᱨᱤ ᱜᱮ ᱟᱹᱰᱤ ᱵᱮᱥ ᱠᱚᱲᱟ ᱠᱟᱱᱟᱢ᱾ ᱟ.ᱰᱤ ᱫᱤᱱᱮᱢ ᱠᱟ.ᱢᱤ ᱠᱮᱫᱟ, ᱛᱤᱦᱤᱧ ᱠᱷᱚᱱ ᱟᱢ ᱫᱚ ᱪᱷᱩᱴᱤᱧ ᱮᱢᱟᱢ ᱠᱟᱱᱟ᱾ ᱱᱤᱛ ᱠᱷᱚᱱ ᱤᱧ ᱜᱮ ᱠᱷᱮᱛᱤᱧ ᱧᱮᱞᱟ᱾
ᱱᱚᱣᱟ ᱠᱟᱛᱷᱟ ᱞᱟᱹᱭ ᱛᱟᱭᱚᱢ ᱦᱤᱨᱟᱞᱟᱞ ᱥᱮᱱ ᱫᱚ ᱠᱟᱞᱩ ᱚᱛ ᱠᱷᱚᱱᱮ ᱚᱨ ᱛᱩᱫ ᱠᱮᱫᱮᱭᱟ ᱾ ᱚᱱᱟᱛᱮ ᱠᱟᱞᱩ ᱟᱹᱰᱤ ᱢᱩᱥᱠᱤᱞ ᱨᱮᱭ ᱯᱟᱲᱟᱣ ᱮᱱᱟ᱾ ᱩᱱᱤᱭᱟᱜ ᱵᱟᱨᱭᱟ ᱡᱟᱝᱜᱟ ᱢᱮᱱᱟᱜᱼᱟ ᱴᱷᱤᱠ, ᱢᱮᱱᱠᱷᱟᱱ ᱩᱱᱤᱭᱟᱜ ᱵᱟᱨᱭᱟ ᱡᱟᱝᱜᱟ ᱛᱟᱞᱟᱨᱮ ᱢᱤᱫ ᱡᱮᱞᱮᱝ ᱴᱷᱮᱝᱜᱟ ᱞᱟᱴᱠᱟᱣ ᱢᱮᱱᱟᱜᱼᱟ ᱾ ᱩᱱᱤ ᱪᱤᱠᱟᱹᱛᱮᱭ ᱛᱟᱲᱟᱢᱼᱟᱭ? ᱚᱱᱟᱛᱮ ᱠᱟᱞᱩ ᱫᱚᱱ ᱫᱚᱱᱛᱮ ᱠᱷᱮᱛ ᱵᱟᱹᱜᱤ ᱠᱟᱛᱮ ᱵᱤᱨ ᱥᱮᱡᱼᱮ ᱢᱚᱱᱰᱦᱟ ᱪᱟᱞᱟᱣ ᱮᱱᱟ ᱾
''ᱢᱤᱫ ᱫᱚᱱ, ᱵᱟᱨ ᱫᱚᱱ, ᱯᱮ
ᱠᱷᱮᱛ ᱫᱚ ᱥᱟ.ᱜᱤᱧ–ᱮᱱᱟ ᱧᱮᱞ ᱧᱮᱞ ᱛᱮ ᱾
ᱯᱩᱱ ᱫᱚᱱ, ᱢᱚᱲᱮ ᱫᱚᱱ, ᱛᱩᱨᱩᱭ,
ᱞᱟᱦᱟ ᱨᱮ ᱵᱤᱨ, ᱵᱟᱹᱱᱩᱜ-ᱟ ᱵᱟᱰᱟᱭ''᱾
ᱠᱟᱞᱩ ᱫᱚ ᱠᱷᱮᱛ ᱯᱟᱨᱚᱢ ᱠᱟᱛᱮ ᱟᱹᱰᱤ ᱨᱟᱹᱥᱠᱟᱹ ᱥᱟᱶᱛᱮ ᱵᱤᱨ ᱨᱮᱭ ᱵᱚᱞᱚ ᱮᱱᱟ᱾ ᱛᱟᱲᱟᱢ ᱚᱠᱛᱚ ᱨᱮ, ᱟᱪᱠᱟ ᱢᱤᱫᱴᱮᱡ ᱜᱟᱹᱭᱼᱮ ᱧᱮᱞ ᱠᱮᱫᱮᱭᱟ ᱾ ᱩᱱᱤ ᱜᱟᱹᱭ ᱥᱤᱵᱤᱞ ᱟᱲᱟᱝ ᱛᱮᱭ ᱢᱮᱱ ᱟᱫᱮᱭᱟ—
"ᱮ ᱜᱟᱹᱭ, ᱮ ᱜᱟᱹᱭ
ᱥᱩᱨ ᱛᱮ ᱦᱮᱡ ᱠᱟᱛᱮ ᱡᱚᱯᱚᱲᱟᱣ ᱢᱮ ᱥᱟ.ᱜᱟ.ᱭ᱾"
ᱜᱟ.ᱭ ᱫᱚ ᱠᱚᱭᱟᱜ ᱨᱩᱶᱟ.ᱲ ᱠᱮᱫᱟᱭ ᱟᱨ ᱠᱟᱞᱩᱼᱮ ᱧᱮᱞ ᱠᱮᱫᱮᱭᱟ᱾ ᱜᱟᱹᱭ ᱫᱚ ᱠᱟᱞᱩᱣᱟᱜ ᱡᱮᱞᱮᱝ ᱡᱮᱞᱮᱝ ᱰᱟᱴᱟ ᱥᱟᱶ ᱢᱮᱫ ᱢᱩᱴᱷᱟ.ᱱ ᱧᱮᱞ ᱛᱮ ᱟ.ᱰᱤ ᱜᱮᱭ ᱵᱚᱛᱚᱨ ᱮᱱᱟ ᱾ ᱩᱱᱤ ᱟᱹᱰᱤ ᱟᱲᱟᱝ ᱛᱮᱭ ᱨᱟᱜ ᱠᱮᱫᱟ ᱟᱨ ᱵᱤᱨ ᱛᱮᱭ ᱧᱤᱨ ᱮᱱᱟ ᱾ ᱚᱱᱟ ᱧᱮᱞᱛᱮ ᱠᱟᱞᱩ ᱟᱜ ᱢᱮᱫᱦᱟ ᱞᱟᱡᱟᱣ ᱛᱮ ᱟᱨᱟᱜ ᱮᱱᱟ ᱾
ᱠᱟᱞᱩ ᱫᱚ ᱫᱚᱱ ᱫᱚᱱᱛᱮ ᱫᱚᱦᱲᱟ ᱵᱤᱨ ᱥᱮᱡᱼᱮ ᱞᱟᱦᱟ ᱪᱟᱞᱟᱣ ᱮᱱᱟ᱾ ᱠᱷᱟ.ᱱᱤᱠ ᱜᱟᱱ ᱚᱠᱛᱚ ᱛᱟᱭᱚᱢ, ᱩᱱᱤ ᱫᱚ ᱢᱤᱫᱼᱴᱮᱱ ᱥᱩᱠᱨᱤ ᱦᱚᱯᱚᱱ ᱥᱟᱶ ᱥᱟᱢᱟᱝ ᱥᱟᱢᱟᱝᱮ ᱧᱟᱯᱟᱢ ᱮᱱᱟ ᱾ ᱠᱟᱞᱩᱣᱟᱜ ᱱᱚᱝᱠᱟ ᱢᱚᱱᱮ ᱦᱩᱭᱮᱱᱟ ᱡᱮ ᱩᱱᱤ ᱥᱩᱠᱨᱤ ᱦᱚᱯᱚᱱ ᱫᱚ ᱟᱹᱰᱤ ᱠᱷᱚᱱᱮ ᱵᱟᱰᱟᱭ ᱟᱠᱟᱫᱮᱭᱟ᱾ ᱠᱟᱞᱩ ᱥᱤᱵᱤᱞ ᱟᱲᱟᱝ ᱛᱮ ᱩᱱᱤᱭ ᱢᱮᱛᱟᱫᱮᱭᱟ—
“ᱥᱩᱠᱨᱤ ᱦᱚᱯᱚᱱ, ᱥᱩᱠᱨᱤ ᱦᱚᱯᱚᱱ
ᱢᱤᱫ ᱠᱟᱹᱦᱱᱤ ᱞᱟᱹᱭᱟᱹᱧ ᱫᱮᱞᱟᱝ᱾”
ᱥᱩᱠᱨᱤ ᱫᱚ ᱠᱚᱭᱟᱜ ᱨᱩᱣᱟ.ᱲ ᱠᱮᱫᱟᱭ ᱟᱨ ᱠᱟᱞᱩᱼᱮ ᱧᱮᱞ ᱠᱮᱫᱮᱭᱟ᱾ ᱠᱟᱞᱩᱣᱟᱜ ᱢᱟᱨᱟᱝ ᱪᱮᱦᱨᱟ ᱥᱩᱠᱨᱤ ᱦᱚᱯᱚᱱᱼᱮ ᱧᱮᱞ ᱠᱮᱫ ᱠᱷᱟᱱᱮ ᱱᱚᱝᱠᱟᱛᱮ ᱠᱟ.ᱣᱢᱟ.ᱣ ᱠᱮᱫᱟᱭ- “ᱵᱟᱧᱪᱟᱣᱤᱧ ᱯᱮ, ᱵᱟᱧᱪᱟᱣᱤᱧ ᱯᱮ ᱾” ᱵᱚᱛᱚᱨᱛᱮ ᱩᱱᱤ ᱫᱟᱜ ᱵᱤᱨᱛᱮᱭ ᱧᱤᱨ ᱮᱱᱟ ᱾
ᱠᱟᱞᱩ ᱟᱜ ᱨᱤᱫᱟᱹᱭ ᱫᱩᱠ ᱛᱮ ᱟᱨᱟᱜ ᱮᱱᱟ ᱾ ᱩᱱᱤ ᱫᱚ ᱟᱨ ᱢᱤᱫ ᱡᱚᱠᱷᱟ ᱵᱤᱨ ᱥᱮᱡ ᱫᱚᱱᱼᱮ ᱮᱦᱚᱵ ᱠᱮᱫᱟ᱾ ᱡᱮᱞᱠᱟ ᱱᱟᱥᱮ ᱞᱟᱦᱟᱜ ᱚᱠᱛᱚᱨᱮ ᱩᱱᱤ ᱜᱩᱰᱩ ᱥᱟᱶᱼᱮ ᱧᱟᱯᱟᱢ ᱮᱱᱟ ᱾ ᱜᱩᱰᱩ ᱫᱚ ᱟᱡᱟᱜ ᱜᱷᱟᱨᱚᱧᱡᱽ ᱥᱟᱶ ᱵᱟᱦᱨᱮ ᱥᱮᱱ ᱟᱠᱟᱱᱟᱭ᱾ ᱠᱟᱞᱩ ᱫᱚ ᱜᱟᱛᱮ ᱥᱩᱨ ᱛᱮ ᱜᱩᱰᱩ ᱴᱷᱮᱱᱼᱮ ᱢᱮᱱ ᱠᱮᱫᱟ—
"ᱜᱩᱰᱩ ᱵᱷᱟ.ᱭ ᱜᱩᱰᱩ ᱵᱷᱟ.ᱭ
ᱦᱤᱡᱩᱜ ᱢᱮ ᱰᱴᱫᱮᱞᱟ ᱡᱟᱹᱲᱞᱟᱝ ᱞᱟ.ᱭ᱾"
ᱜᱩᱰᱩ ᱫᱚ ᱠᱚᱭᱟᱜ ᱨᱩᱣᱟ.ᱲ ᱠᱮᱫᱟᱭ ᱟᱨ ᱠᱟᱞᱩᱼᱮ ᱧᱮᱞ ᱠᱮᱫᱮᱭᱟ᱾ ᱠᱟᱞᱩᱣᱟᱜ ᱢᱟᱨᱟᱝ ᱢᱚᱪᱟ ᱰᱟᱴᱟ ᱟᱨ ᱵᱚᱛᱚᱨ ᱪᱮᱦᱨᱟ ᱧᱮᱞ ᱠᱟᱛᱮᱜ ᱜᱩᱰᱩ ᱫᱚ ᱮᱨᱟ ᱜᱤᱫᱽᱨᱟᱹ ᱠᱚ ᱱᱤᱭᱟ.ᱛᱮ ᱵᱤᱨ ᱥᱮᱡᱼᱮ ᱧᱤᱨ ᱮᱱᱟ᱾
ᱚᱱᱟ ᱧᱮᱞᱛᱮ ᱠᱟᱞᱩᱣᱟᱜ ᱢᱮᱫ ᱫᱟᱜ ᱦᱩᱰᱤᱨ ᱦᱩᱰᱤᱨ ᱡᱚᱨᱚ ᱮᱱ ᱛᱟᱭᱟ᱾ ᱦᱟᱹᱥᱩ ᱠᱷᱚᱱ ᱫᱟᱵᱚᱱ ᱠᱟᱛᱮ, ᱩᱱᱤ ᱫᱚ ᱟᱨ ᱢᱤᱫ ᱡᱚᱠᱷᱟ ᱵᱤᱨ ᱥᱮᱡ ᱫᱚᱱᱼᱮ ᱮᱦᱚᱵ ᱠᱮᱫᱟ᱾ ᱠᱟ.ᱴᱤᱡ ᱛᱟᱲᱟᱢ ᱛᱟᱭᱚᱢ, ᱩᱱᱤ ᱪᱮᱬᱮ ᱥᱟᱶᱼᱮ ᱧᱟᱯᱟᱢ ᱮᱱᱟ ᱾ ᱠᱟᱞᱩ ᱫᱟᱭᱟ ᱟᱲᱟᱝ ᱛᱮᱭ ᱢᱮᱱ ᱠᱮᱫᱟ—
"ᱪᱮᱬᱮ, ᱤᱧᱤᱡ ᱫᱩᱞᱟᱹᱲ ᱪᱮᱬᱮ
ᱤᱧ ᱟᱢᱟᱜ ᱥᱤᱵᱤᱞ ᱥᱮᱨᱮᱧ ᱟᱧᱡᱚᱢ ᱥᱟᱱᱟᱹᱧ ᱠᱟᱱᱟ᱾"
ᱪᱮᱬᱮ ᱫᱚ ᱠᱟᱞᱩᱣᱟᱜ ᱢᱚᱪᱟ ᱰᱟᱴᱟ ᱧᱮᱞ ᱠᱟᱛᱮᱜ ᱟ.ᱰᱤ ᱜᱮᱭ ᱵᱚᱛᱚᱨ ᱮᱱᱟ᱾ ᱪᱤᱪᱤᱼᱮ ᱨᱟᱜ ᱠᱮᱫᱟ᱾ ᱟᱪᱠᱟᱜᱮᱢ ᱩᱰᱟᱹᱣ ᱮᱱᱟᱭ ᱟᱨ ᱫᱟᱨᱮ ᱨᱮᱭᱟᱜ ᱩᱥᱩᱞ ᱰᱟᱹᱨᱠᱚ ᱨᱮ ᱫᱩᱲᱩᱵ ᱮᱱᱟᱭ ᱾
ᱠᱟᱞᱩᱣᱟᱜ ᱢᱮᱫ ᱥᱟᱹᱨᱤ ᱜᱮ ᱢᱮᱫ ᱫᱟᱜ ᱛᱮ ᱯᱷᱩᱴᱟᱹᱣ ᱮᱱᱟ᱾ ᱩᱱᱤ ᱫᱚ ᱢᱤᱫ ᱫᱟᱨᱮ ᱨᱮ ᱴᱮᱱᱰᱟᱨ ᱠᱟᱛᱮᱡ ᱟᱹᱰᱤᱼᱮ ᱨᱟᱜ ᱠᱮᱰᱟ᱾ ᱩᱱᱤᱭᱟᱜ ᱢᱮᱫ ᱫᱟᱜ ᱜᱟᱡᱟᱲ ᱡᱷᱩᱯᱲᱩ ᱨᱮ ᱧᱩᱨᱮᱱ ᱛᱟᱭᱟ᱾ ᱢᱤᱫ ᱵᱟᱹᱨᱰᱷᱟ. ᱨᱚᱴᱮ ᱜᱟᱡᱟᱲ ᱞᱟᱛᱟᱨ ᱨᱮ ᱢᱩᱸ ᱜᱷᱚᱨᱚᱴ ᱠᱟᱛᱮᱜ ᱡᱟᱹᱯᱤᱫ ᱠᱟᱱ ᱛᱟᱦᱮᱸᱡ ᱾ ᱩᱱᱤ ᱫᱚ ᱵᱟᱹᱨᱰᱷᱟᱹ ᱵᱚᱥ ᱨᱮᱱ ᱴᱷᱟᱠᱩᱨ ᱫᱟᱫᱟᱭ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱪᱮᱛᱟᱱ ᱨᱮ ᱫᱟᱜ ᱧᱩᱨᱩᱜ ᱥᱟᱶ ᱥᱟᱶᱛᱮ ᱩᱱᱤᱭᱟᱜ ᱡᱟᱹᱯᱤᱫ ᱦᱚᱸ ᱟᱪᱠᱟ ᱨᱟᱹᱯᱩᱫ ᱮᱱᱟ᱾
ᱮᱜᱚ!
ᱪᱮᱫ ᱡᱟ.ᱯᱩᱫ ᱫᱚᱜ ᱠᱟᱱᱟ?
ᱜᱟᱡᱟᱲ ᱠᱷᱚᱱ ᱚᱰᱚᱠ ᱥᱟᱶ ᱥᱟᱶ ᱜᱮ, ᱩᱱᱤ ᱠᱟᱞᱩᱭ ᱧᱮᱞ ᱧᱟᱢ ᱠᱮᱫᱮᱭᱟ᱾
ᱮ ᱪᱟᱸᱫᱳ ᱵᱚᱸᱜᱟ᱾ ᱵᱟᱝ ᱡᱟ.ᱯᱩᱫ ᱠᱟᱱᱟ!
ᱟᱢ ᱪᱮᱫᱟᱜ ᱱᱚᱸᱰᱮ ᱛᱤᱝᱜᱩ ᱠᱟᱛᱮ ᱮᱢ ᱨᱟᱨᱟᱜ ᱠᱟᱱᱟ? ᱟᱢ ᱫᱚ ᱪᱮᱫ ᱠᱷᱮᱛ ᱨᱮᱱ ᱠᱟᱠᱛᱟᱨᱩᱣᱟᱢ ᱵᱟᱝ ᱠᱟᱱᱟ? ᱟᱢ ᱪᱮᱫᱟᱜ ᱮᱢ ᱨᱟᱨᱟᱜ ᱠᱟᱱᱟ?
ᱠᱟᱞᱩᱭ ᱢᱮᱱ ᱠᱮᱫᱟ— "ᱦᱮᱸ ᱤᱧ ᱜᱮ᱾ ᱛᱮᱦᱮᱧ ᱤᱧᱟᱜ ᱪᱷᱩᱴᱤ ᱢᱟᱦᱟᱸ ᱠᱟᱱᱟ᱾ ᱚᱱᱟᱛᱮ ᱤᱧ ᱵᱷᱟᱹᱵᱤ ᱠᱮᱫᱟ ᱤᱧ ᱵᱤᱨ ᱨᱮ ᱛᱟᱲᱟᱢ ᱞᱟᱹᱜᱤᱫ ᱤᱧ ᱪᱟᱞᱟᱜᱼᱟ᱾ ᱛᱮᱦᱮᱧ ᱤᱧ ᱚᱠᱚᱭ ᱦᱚᱸ ᱵᱟᱹᱧ ᱵᱚᱛᱚᱨ ᱚᱪᱚ ᱠᱚᱣᱟ᱾ ᱤᱧ ᱡᱷᱚᱛᱚ ᱦᱚᱲ ᱥᱟᱶ ᱜᱟᱛᱮᱧ ᱵᱮᱱᱟᱣᱟ᱾ ᱢᱮᱱᱠᱷᱟᱱ ᱤᱧ ᱥᱟᱶ ᱚᱠᱚᱭ ᱦᱚᱸ ᱜᱟᱛᱮ ᱵᱟᱠᱚ ᱵᱮᱱᱟᱣ ᱮᱫᱟ᱾" ᱵᱟᱹᱨᱰᱷᱟᱹ ᱜᱚᱲᱚᱢ ᱦᱟᱲᱟᱢᱮ ᱢᱮᱱ ᱠᱮᱫᱟ, 'ᱤᱧ ᱥᱟᱶ ᱦᱤᱡᱩᱜ ᱢᱮ᱾ ᱤᱧ ᱥᱟᱱᱟᱢ ᱠᱚ ᱥᱟ.ᱶ ᱨᱚᱯᱚᱲ ᱚᱪᱚ ᱠᱚᱣᱟᱹᱧ᱾"
ᱠᱟᱞᱩ ᱟᱨ ᱨᱚᱴᱮ ᱫᱚᱱ ᱠᱟᱛᱮᱜ ᱢᱤᱫ ᱵᱟᱹᱛᱤ ᱨᱮ ᱠᱤᱱ ᱦᱮᱡ ᱮᱱᱟ᱾
ᱚᱱᱟ ᱚᱠᱛᱚ ᱜᱮ, ᱢᱤᱫᱼᱴᱟᱝ ᱪᱮᱬᱮ ᱩᱱᱠᱤᱱ ᱥᱟᱢᱟᱝ ᱨᱮᱭ ᱧᱩᱨ ᱮᱱᱟ᱾ ᱯᱷᱟ.ᱠᱲᱟᱹᱜ ᱫᱚ ᱡᱟᱦᱟᱸ ᱨᱮ ᱵᱟᱡᱟᱣ ᱞᱮᱱᱟ᱾ ᱚᱱᱟᱛᱮ ᱟᱨ ᱵᱟᱭ ᱩᱰᱟᱹᱣ ᱫᱟᱲᱮᱭᱟᱜ ᱠᱟᱱᱟ᱾ ᱫᱟᱭᱟ ᱟᱲᱟᱝ ᱛᱮᱭ ᱢᱮᱱ ᱠᱮᱫᱟ— " ᱤᱧ ᱫᱚ ᱦᱤᱨᱟᱞᱟᱞᱟᱜ ᱠᱷᱮᱛ ᱨᱮ ᱦᱩᱲᱩ ᱡᱚᱢ ᱞᱟᱹᱜᱤᱫ ᱤᱧ ᱥᱮᱱ ᱞᱮᱱᱟ᱾ ᱛᱮᱦᱮᱧ ᱠᱷᱮᱛ ᱨᱮ ᱠᱟᱠᱛᱟᱨᱩᱣᱟ ᱵᱟ.ᱱᱩᱭᱟ᱾ ᱤᱧ ᱫᱚ ᱵᱟᱹᱧ ᱧᱮᱞ ᱞᱮᱫᱤᱟ ᱡᱮ ᱦᱤᱨᱟᱞᱟᱞ ᱠᱷᱮᱛ ᱨᱮ ᱢᱮᱱᱟᱭᱟ᱾ ᱩᱱᱤ ᱫᱚ ᱢᱤᱫ ᱴᱮᱱ ᱫᱷᱤᱨᱤ ᱪᱟᱯᱟᱫ ᱠᱟᱛᱮᱡ ᱤᱧᱟᱜ ᱯᱷᱟᱺᱠᱷᱲᱟᱹᱜᱼᱮ ᱨᱟᱹᱯᱩᱫ ᱠᱮᱫᱟ᱾
ᱚᱱᱟ ᱚᱠᱛᱮ ᱜᱮ ᱟᱨᱦᱚᱸ ᱜᱩᱰᱩᱣᱟᱜ ᱫᱟᱭᱟ ᱟᱲᱟᱝ ᱟᱧᱡᱚᱢ ᱮᱱᱟ- " ᱤᱧ ᱦᱚᱸ ᱦᱩᱲᱩ ᱡᱚᱢ ᱞᱟᱹᱜᱤᱫ ᱦᱤᱨᱟᱞᱟᱞᱟᱜ ᱠᱷᱮᱛ ᱤᱧ ᱥᱮᱱ ᱞᱮᱱᱟ᱾ ᱛᱮᱦᱮᱧ ᱚᱱᱰᱮ ᱪᱮᱬᱮ ᱠᱚ ᱵᱟᱠᱚ ᱛᱟᱦᱮᱸ ᱠᱟᱱᱟ᱾ ᱤᱧ ᱦᱤᱨᱟᱞᱟᱞ ᱵᱟᱹᱧ ᱧᱮᱞ ᱟᱠᱟᱫᱮ ᱛᱮᱦᱮᱸ ᱠᱟᱱᱟ᱾ ᱤᱧ ᱵᱟᱹᱧ ᱵᱩᱡᱷᱟᱹᱣ ᱞᱮᱫᱟ ᱡᱮ ᱦᱤᱨᱟᱞᱟᱞ ᱚᱱᱰᱮ ᱢᱮᱱᱟᱭᱟ᱾ ᱩᱱᱤ ᱢᱤᱫ ᱴᱮᱱ ᱫᱷᱤᱨᱤᱭ ᱪᱟᱯᱟᱫ ᱠᱮᱫᱟ᱾ ᱤᱧᱟᱜ ᱡᱟᱝᱜᱟ ᱨᱟᱹᱯᱩᱫ ᱮᱱᱟ᱾ ᱤᱧ ᱟᱨ ᱵᱟᱹᱧ ᱛᱟᱲᱟᱢ ᱫᱟᱲᱮᱭᱟᱜ ᱠᱟᱱᱟ᱾"
ᱚᱱ ᱚᱠᱛᱚ ᱨᱮ, ᱢᱤᱫ ᱥᱩᱠᱨᱤ ᱦᱚᱯᱚᱱᱮ ᱦᱮᱡ ᱮᱱᱟ᱾ ᱨᱟᱜ ᱠᱟᱛᱮᱜ ᱱᱚᱣᱟᱭ ᱢᱮᱱ ᱠᱮᱫᱟ— "ᱤᱧ ᱫᱚ ᱦᱤᱨᱟᱞᱟᱞ ᱟᱜ ᱠᱷᱮᱛ ᱨᱮ ᱦᱩᱲᱩ ᱡᱚᱢ ᱞᱟᱹᱜᱤᱫ ᱤᱧ ᱥᱮᱱ ᱞᱮᱱᱟ᱾ ᱚᱱᱰᱮ ᱫᱚ ᱠᱟᱠᱛᱟᱨᱩᱣᱟ ᱵᱟᱭ ᱛᱟᱦᱮᱸ ᱠᱟᱱᱟ᱾ ᱦᱤᱨᱟᱞᱟᱞ ᱫᱚ ᱤᱧ ᱴᱷᱮᱱ ᱫᱷᱤᱨᱤᱼᱮ ᱪᱟᱯᱟᱫ ᱠᱮᱫᱟ᱾ ᱚᱱᱟ ᱤᱧᱟᱜ ᱰᱟᱱᱰᱟ ᱨᱮ ᱛᱟᱹᱯᱤᱥ ᱮᱱᱟ᱾ ᱤᱧ ᱟᱨ ᱵᱟᱹᱧ ᱫᱩᱲᱩᱵ ᱫᱟᱲᱮᱭᱟᱜ ᱠᱟᱱᱟ᱾"
ᱛᱤᱱᱟᱹᱜ ᱜᱟᱱ ᱚᱠᱛᱚ ᱛᱟᱭᱚᱢ, ᱜᱟᱹᱭᱮ ᱦᱮᱡ ᱮᱱᱟ ᱟᱨ ᱛᱤᱝᱜᱩ ᱮᱱᱟᱭ᱾ ᱩᱱᱤᱦᱚᱸ ᱢᱤᱫ ᱠᱟᱛᱷᱟ ᱜᱮᱭ ᱢᱮᱱ ᱠᱮᱫᱟ᱾ ᱢᱤᱫ ᱜᱮ ᱦᱟᱥᱳ᱾ ᱩᱱᱤ ᱦᱚᱸ ᱢᱤᱫ ᱫᱷᱤᱨᱤ ᱛᱮᱠᱚ ᱪᱟᱯᱟᱫ ᱞᱮᱫᱮᱭᱟ᱾ ᱱᱚᱣᱟ ᱩᱱᱤᱭᱟᱜ ᱞᱟᱡ ᱨᱮ ᱛᱟᱹᱯᱤᱥ ᱮᱱᱟ᱾ ᱩᱱᱤ ᱟᱨ ᱵᱟᱭ ᱨᱚᱲ ᱫᱟᱲᱮᱭᱟᱜ ᱠᱟᱱᱟ᱾ ᱡᱚᱛᱚ ᱦᱚᱲᱟᱜ ᱠᱟᱛᱷᱟ ᱟᱸᱡᱚᱢ ᱠᱟᱛᱮ ᱵᱟᱹᱨᱰᱷᱟᱹ ᱜᱚᱲᱚᱢ ᱦᱟᱲᱟᱢᱮ ᱢᱮᱱ ᱠᱮᱫᱟ— "ᱠᱟᱞᱩ ᱫᱚ ᱟᱯᱮ ᱮᱠᱮᱱ ᱥᱟᱱᱟᱢ ᱚᱠᱛᱚ ᱵᱚᱛᱚᱨ ᱚᱪᱚ ᱟᱠᱟᱫ ᱯᱮᱭᱟᱭ᱾ ᱢᱮᱱᱠᱷᱟᱱ ᱩᱱᱤ ᱵᱟᱭ ᱜᱷᱟᱹᱞ ᱟᱠᱟᱫ ᱯᱮᱭᱟ᱾"
ᱡᱚᱛᱚ ᱦᱚᱲ ᱠᱚ ᱢᱮᱱ ᱠᱮᱫᱟ— "ᱥᱟᱹᱨᱤ ᱜᱮ, ᱥᱟᱹᱨᱤ ᱜᱮ!"
ᱨᱚᱴᱮ ᱜᱚᱲᱚᱢ ᱦᱟᱲᱟᱢᱮ ᱢᱮᱱ ᱠᱮᱫᱟᱭ— "ᱛᱮᱦᱮᱧ ᱩᱱᱤᱭᱟᱜ ᱪᱷᱩᱴᱤ ᱢᱟᱦᱟ ᱠᱟᱱᱟ᱾ ᱚᱱᱟ ᱠᱷᱟᱹᱛᱤᱨ ᱩᱱᱤ ᱟᱯᱮ ᱥᱟᱶ ᱠᱷᱤᱞᱚᱱᱰ ᱥᱟᱱᱟᱭᱮ ᱠᱟᱱᱟ᱾"
ᱠᱟᱞᱩᱭ ᱢᱮᱱ ᱠᱮᱫᱟ— "ᱤᱧ ᱟᱯᱮᱧ ᱵᱚᱛᱚᱨ ᱚᱪᱚ ᱯᱮᱭᱟ, ᱚᱱᱟ ᱤᱧᱟᱜ ᱠᱟᱹᱢᱤ ᱠᱟᱱᱟ᱾ ᱛᱮᱦᱮᱧ ᱤᱧᱟᱜ ᱪᱷᱩᱴᱤ ᱢᱟᱦᱟᱸ ᱠᱟᱱᱟ᱾ ᱛᱮᱦᱮᱧ ᱪᱮᱫᱟᱜ ᱵᱟᱯᱮ ᱜᱟᱛᱮᱜ ᱠᱟᱱᱟ?"
ᱪᱮᱬᱮᱭ ᱢᱮᱱ ᱠᱮᱫᱟ- "ᱚᱱᱟ ᱫᱚ ᱴᱷᱤᱠ ᱜᱮᱭᱟ᱾ ᱟᱢ ᱫᱚ ᱟᱞᱮᱢ ᱵᱚᱛᱚᱨ ᱚᱪᱚ ᱞᱮᱭᱟ, ᱵᱟᱝ ᱮᱢ ᱵᱟᱹᱲᱤᱡ ᱞᱮᱭᱟ᱾ ᱛᱮᱦᱮᱧ ᱠᱷᱚᱱ, ᱤᱧ ᱫᱚ ᱟᱢ ᱨᱮᱱ ᱜᱟᱛᱮ ᱠᱟᱱᱟᱹᱧ᱾"
ᱮᱴᱟᱜ ᱠᱚ ᱦᱚᱸ ᱠᱚ ᱢᱮᱱ ᱠᱮᱫᱟ - "ᱟᱞᱮ ᱦᱚᱸ! ᱟᱞᱮ ᱦᱚᱸ!"
ᱚᱱᱟ ᱠᱷᱚᱱ ᱠᱟᱞᱩ ᱪᱷᱩᱴᱤ ᱨᱮ ᱵᱤᱨ ᱛᱮᱭ ᱪᱟᱞᱟᱜᱼᱟ᱾ ᱛᱤᱱ ᱦᱤᱞᱟ.ᱜ ᱠᱷᱮᱛ ᱛᱮᱭ ᱪᱟᱞᱟᱜᱼᱟ, ᱚᱱᱟ ᱫᱤᱱ ᱫᱚ ᱵᱚᱛᱚᱨ ᱛᱮ ᱚᱠᱳᱭ ᱦᱚᱸ ᱠᱷᱮᱛ ᱵᱟᱠᱳ ᱪᱟᱞᱟᱜᱼᱟ᱾ ᱠᱟᱞᱩ ᱟᱡ ᱛᱮᱭ ᱩᱭᱦᱟᱹᱨ ᱮᱫᱟᱭ– ᱪᱷᱩᱴᱤ ᱛᱤᱱ ᱨᱮ ᱦᱤᱡᱩᱜᱼᱟ? ᱤᱧ ᱵᱟᱹᱧ ᱵᱟᱰᱟᱭᱟ ᱚᱱᱟ ᱫᱤᱱ ᱤᱧ ᱮᱱᱮᱡ ᱥᱮᱧ ᱥᱮᱨᱮᱧᱟᱹᱧ᱾
➡️ ᱛᱚᱨᱡᱚᱢᱟ ᱟᱠᱟᱱ ᱠᱷᱟᱴᱚ ᱠᱟᱹᱦᱱᱤ᱾
