ᱨᱚᱴᱮ ᱟᱨ ᱥᱟᱸᱲ ᱰᱟᱝᱨᱟ
ᱢᱤᱫᱼᱴᱮᱱ ᱜᱟᱹᱰᱤᱭᱟᱹ ᱨᱮ ᱨᱚᱴᱮ ᱠᱳ ᱜᱟᱛᱮᱜ ᱠᱟᱱ ᱛᱟᱦᱮ ᱠᱟᱱᱟ᱾ ᱢᱤᱫᱼᱴᱮᱱ ᱥᱟᱸᱲ ᱰᱟᱝᱨᱟ ᱟᱹᱛᱤᱧ ᱟᱹᱛᱤᱧ ᱛᱮ ᱩᱱᱠᱳ ᱥᱮᱡᱼᱮ ᱪᱟᱞᱟᱣ ᱮᱱᱟ᱾ ᱩᱱᱤ ᱥᱟᱸᱲ ᱰᱟᱝᱨᱟ ᱧᱮᱞ ᱛᱮ ᱢᱤᱫᱼᱴᱮᱱ ᱦᱚᱯᱚᱱ ᱨᱚᱴᱮ ᱫᱚᱭ ᱢᱮᱱ ᱠᱮᱫᱟ, “ᱧᱮᱞᱮ ᱯᱮ ᱛᱤᱱᱟᱹᱜ ᱢᱟᱨᱟᱝ ᱨᱟᱠᱟᱥ! ᱵᱩᱨᱩ ᱞᱮᱠᱟ ᱢᱟᱨᱟᱝᱮ ᱧᱮᱞᱚᱜ ᱠᱟᱱᱟ᱾ ᱵᱚᱦᱚᱜ ᱨᱮ ᱵᱟᱨᱭᱟ ᱫᱤᱨᱤᱧ ᱛᱟᱭ, ᱡᱤᱞᱤᱧ ᱪᱟᱸᱰᱵᱚᱞ ᱛᱟᱭ ᱟᱨ ᱡᱟᱝᱜᱟ ᱨᱮ ᱵᱟᱨᱭᱟ ᱠᱟᱛᱮᱜ ᱠᱷᱩᱨᱟᱹ ᱛᱟᱭ!”
ᱩᱱᱤ ᱥᱮᱡ ᱠᱚᱭᱚᱜ ᱠᱟᱛᱮᱜ ᱢᱤᱫᱼᱴᱮᱱ ᱦᱟᱲᱟᱢ ᱨᱚᱴᱮ ᱰᱚᱭ ᱢᱮᱱ ᱠᱮᱫᱟ, “ᱱᱩᱭ ᱢᱟᱭ ᱥᱟᱸᱲ ᱰᱟᱝᱨᱟ ᱠᱟᱱᱟ᱾ ᱱᱩᱭ ᱫᱚ ᱢᱟᱨᱟᱝᱮ ᱦᱩᱭ ᱮᱱᱟ? ᱩᱱᱤ ᱠᱷᱚᱱ ᱢᱟ ᱤᱧᱤᱧ ᱢᱟᱨᱟᱝ ᱫᱟᱲᱮᱜ᱾”
ᱦᱚᱯᱚᱱ ᱨᱚᱴᱮ ᱫᱚᱭ ᱠᱩᱠᱞᱤ ᱠᱮᱫᱟ, “ᱪᱮᱠᱟ ᱛᱮ?”
ᱤᱱ ᱡᱚᱠᱷᱚᱡ ᱦᱟᱲᱟᱢ ᱨᱚᱴᱮ ᱫᱚ ᱥᱟᱸᱦᱮᱫ ᱟᱫᱮᱨ ᱠᱟᱛᱮᱜ ᱦᱚᱲᱢᱚᱭ ᱯᱷᱩᱞᱟᱹᱣ ᱠᱮᱫ ᱛᱟᱭᱟ᱾ ᱟᱨᱮ ᱠᱩᱞᱤ ᱠᱟᱱᱟ, “ᱱᱤᱛᱚᱜ ᱧᱮᱞᱮᱹᱧ ᱢᱮ ᱥᱮ ᱩᱱᱤ ᱠᱷᱚᱱ ᱢᱟᱨᱟᱝᱤᱧ ᱧᱮᱞᱚᱜ ᱠᱟᱱᱟ ᱥᱮ ᱵᱟᱝ?”
ᱦᱚᱯᱚᱱ ᱨᱚᱴᱮ ᱫᱚᱭ ᱢᱮᱱ ᱠᱮᱫᱟ, “ᱵᱟᱝ ᱱᱮᱛᱚᱜ ᱦᱚᱸ ᱩᱱᱤ ᱠᱷᱚᱱ ᱢᱟᱨᱟᱝ ᱫᱚ ᱵᱟᱢ ᱧᱮᱞᱚᱜ ᱠᱟᱱᱟ᱾”
ᱦᱟᱲᱟᱢ ᱨᱚᱴᱮ ᱫᱚ ᱟᱨᱦᱚᱸ ᱥᱟᱸᱦᱮᱫ ᱟᱫᱮᱨ ᱠᱟᱛᱮᱜᱼᱮ ᱯᱷᱩᱞᱟᱹᱣ ᱮᱱᱟ᱾ ᱟᱨᱮ ᱢᱮᱛᱟᱭ ᱠᱟᱱᱟ, “ᱱᱤᱛᱚᱜ ᱧᱮᱞᱮᱹᱧ ᱢᱮ ᱥᱮ ᱩᱱᱤ ᱠᱷᱚᱱ ᱢᱟᱨᱟᱝᱤᱧ ᱧᱮᱞᱚᱜ ᱠᱟᱱᱟ ᱥᱮ ᱵᱟᱝ?”
ᱦᱚᱯᱚᱱ ᱨᱚᱴᱮ ᱫᱚᱭ ᱢᱮᱱ ᱠᱮᱫᱟ, “ᱱᱤᱛᱚᱜ ᱦᱚᱸ ᱩᱱᱤ ᱠᱷᱚᱱ ᱢᱟᱨᱟᱝ ᱫᱚ ᱵᱟᱝ ᱧᱮᱞᱚᱜ ᱠᱟᱱᱟ᱾”
ᱦᱟᱲᱟᱢ ᱨᱚᱴᱮ ᱫᱚ ᱨᱟᱝᱜᱟᱣ ᱛᱮ ᱟᱨ ᱦᱚᱸ ᱥᱟᱸᱦᱮᱫ ᱦᱟᱛᱟᱣ ᱠᱟᱛᱮᱜᱼᱮ ᱯᱷᱩᱞᱟᱹᱣ ᱮᱱᱟ᱾ ᱟᱨᱮ ᱠᱩᱞᱤ ᱠᱤᱫᱤᱭᱟ, “ᱱᱤᱛᱚᱜ ᱧᱮᱞᱮᱹᱧ ᱢᱮ ᱩᱱᱤ ᱠᱷᱚᱱᱤᱧ ᱢᱟᱨᱟᱝ ᱟᱠᱟᱱᱟ ᱥᱮ ᱵᱟᱝ?”
ᱤᱱᱟᱹ ᱢᱮᱱ ᱠᱟᱛᱮᱜ ᱜᱤ ᱦᱟᱲᱟᱢ ᱨᱚᱴᱮ ᱫᱚ ᱯᱚᱴᱟᱥ ᱜᱟᱹᱨᱤ ᱛᱮᱭ ᱯᱚᱥᱟᱜ ᱮᱱᱟ᱾
ᱵᱟᱹᱲᱛᱤ ᱜᱚᱨᱚᱵᱽ ᱫᱚᱭ ᱱᱟᱥᱟᱣᱟ᱾
