ᱛᱩᱭᱩ ᱟᱨ ᱠᱟᱺᱦᱩ

ᱛᱩᱭᱩ ᱟᱨ ᱠᱟᱺᱦᱩ

ᱢᱤᱫᱼᱴᱮᱱ ᱠᱟᱺᱦᱩ ᱯᱤᱴᱷᱟᱹ ᱜᱮᱨ ᱠᱟᱛᱮᱜ ᱩᱰᱟᱹᱣ ᱪᱟᱞᱟᱣ ᱮᱱᱟᱭ᱾ ᱚᱱᱟ ᱯᱤᱴᱷᱟᱹ ᱡᱚᱢ ᱞᱟᱹᱜᱤᱫ ᱢᱤᱫᱼᱴᱮᱱ ᱫᱟᱨᱮ ᱨᱮᱭ ᱟᱵ ᱮᱱᱟ᱾ ᱫᱟᱨᱮ ᱞᱟᱛᱟᱨ ᱛᱮᱭ ᱪᱟᱞᱟᱜ ᱠᱟᱱ ᱛᱟᱦᱮᱸᱱᱟ ᱢᱤᱫᱼᱴᱮᱱ ᱛᱩᱭᱩ᱾ ᱠᱟᱺᱦᱩᱣᱟᱜ ᱴᱷᱚᱱᱴᱟ ᱨᱮ ᱯᱤᱴᱷᱟᱹᱭ ᱧᱮᱞ ᱧᱟᱢ ᱠᱮᱫᱟ᱾ ᱛᱩᱭᱩᱭ ᱩᱭᱦᱟᱹᱨ ᱠᱮᱫᱟ, ᱪᱮᱠᱟᱛᱮ ᱠᱟᱺᱦᱩ ᱮᱲᱮ ᱠᱟᱛᱮᱜ ᱚᱱᱟ ᱯᱤᱴᱷᱟᱹᱧ ᱡᱚᱢᱟ?

ᱟᱫᱚ ᱛᱩᱭᱩ ᱵᱟᱹᱭ ᱵᱟᱹᱭ ᱛᱮ ᱚᱱᱟ ᱫᱟᱨᱮ ᱵᱩᱴᱟᱹᱭ ᱥᱮᱱ ᱮᱱᱟ᱾ ᱠᱟᱺᱦᱩᱭ ᱢᱮᱛᱟᱫᱤᱭᱟ, “ᱡᱚᱦᱟᱨ ᱢᱟᱱᱚᱛᱟᱱ ᱠᱟᱺᱦᱩ, ᱟᱹᱰᱤ ᱪᱚᱨᱚᱠᱮᱢ ᱧᱮᱞᱚᱜ ᱠᱟᱱ ᱫᱚ ᱛᱤᱦᱤᱧ᱾”

ᱛᱩᱭᱩᱣᱟᱜ ᱠᱟᱛᱷᱟ ᱟᱧᱡᱚᱢ ᱠᱟᱛᱮᱜ ᱠᱟᱺᱦᱩ ᱫᱚ ᱢᱚᱱᱮ ᱢᱚᱱᱮ ᱛᱮ ᱟᱹᱰᱤᱭ ᱨᱟᱹᱥᱠᱟᱹ ᱮᱱᱟ᱾

ᱛᱩᱭᱩ ᱟᱨᱦᱚᱸᱭ ᱢᱮᱛᱟᱭ ᱠᱟᱱᱟ, “ᱛᱤᱱᱟᱹᱜ ᱢᱚᱡᱽ ᱦᱮᱱᱫᱮ ᱟᱨ ᱞᱮᱧᱡᱮᱨ ᱜᱤ ᱟᱢᱟᱜ ᱤᱞ᱾ ᱛᱤᱱᱟᱹᱜ ᱱᱟᱯᱟᱭ ᱪᱩᱭᱞᱩ ᱴᱷᱚᱱᱴᱟ ᱛᱟᱢ᱾ ᱪᱮᱬᱮ ᱠᱚ ᱢᱩᱫᱽ ᱨᱮ ᱟᱢ ᱜᱤᱢ ᱪᱚᱨᱚᱠᱟ᱾ ᱟᱢᱟᱜ ᱟᱲᱟᱝ ᱦᱚᱸ ᱯᱟᱥᱮᱡ ᱟᱹᱰᱤ ᱦᱮᱲᱮᱢᱟ᱾ ᱫᱟᱭᱟ ᱠᱟᱛᱮᱜ ᱢᱤᱫᱼᱴᱮᱱ ᱥᱤᱨᱤᱧᱮᱢ ᱟᱧᱡᱚᱢᱟᱹᱧ ᱠᱷᱟᱱ ᱟᱹᱰᱤᱧ ᱠᱩᱥᱤ ᱠᱚᱜᱼᱟ᱾ ᱤᱧᱟᱜ ᱢᱚᱱᱮ ᱟᱥᱟ ᱯᱩᱨᱟᱹᱣ ᱠᱚᱜᱼᱟ᱾”

ᱠᱟᱺᱦᱩ ᱫᱚ ᱛᱩᱭᱩᱣᱟᱜ ᱠᱟᱛᱷᱟ ᱟᱧᱡᱚᱢ ᱠᱟᱛᱮᱜ ᱨᱟᱹᱥᱠᱟᱹ ᱛᱮ ᱟᱨᱦᱚᱸᱭ ᱯᱷᱩᱞᱟᱣ ᱮᱱᱟ᱾ ᱛᱩᱭᱩᱣᱟᱜ ᱠᱟᱛᱷᱟ ᱛᱮ ᱥᱤᱨᱤᱧ ᱞᱟᱹᱜᱤᱫ ᱡᱮᱢᱚ ᱜᱤ ᱢᱚᱪᱟᱭ ᱪᱟᱦᱟᱵ ᱠᱮᱫᱟ ᱛᱮᱢᱚᱱ ᱜᱤ ᱜᱮᱨ ᱟᱠᱟᱫ ᱯᱤᱴᱷᱟᱹ ᱴᱷᱚᱱᱴᱟ ᱠᱷᱚᱱ ᱧᱩᱨ ᱮᱱ ᱛᱟᱭᱟ ᱚᱛ ᱨᱮ᱾

ᱛᱩᱭᱩ ᱫᱚ ᱨᱟᱹᱥᱠᱟᱹ ᱟᱛᱮ ᱚᱱᱟ ᱯᱤᱴᱷᱟᱹᱭ ᱦᱟᱞᱚ ᱠᱮᱫᱟ᱾ ᱟᱨ ᱠᱟᱺᱦᱩᱭ ᱢᱮᱛᱟᱫᱤᱭᱟ, “ᱱᱚᱣᱟ ᱜᱤᱧ ᱠᱷᱚᱡᱚᱜ ᱠᱟᱱ ᱛᱟᱦᱮᱱᱟ᱾ ᱤᱧᱟᱜ ᱟᱥᱟ ᱫᱚ ᱯᱩᱨᱟᱹᱣ ᱮᱱᱟ᱾”

ᱚᱱᱟ ᱢᱮᱱ ᱠᱟᱛᱮᱜ ᱛᱩᱭᱩ ᱫᱚ ᱯᱤᱴᱷᱟᱹ ᱜᱮᱨ ᱠᱟᱛᱮᱜ ᱵᱤᱨ ᱛᱮᱭ ᱢᱚᱱᱰᱦᱟ ᱮᱱᱟ᱾ ᱱᱚᱝᱠᱟ ᱛᱮ ᱠᱟᱺᱦᱩ ᱫᱚᱭ ᱯᱟᱹᱥᱩᱲ ᱟᱪᱚ ᱮᱱᱟ᱾

ᱪᱷᱟᱯᱟ ᱦᱚᱲ ᱨᱮ ᱟᱞᱚᱢ ᱯᱟᱹᱛᱭᱟᱹᱜᱼᱟ᱾