ᱵᱤᱞᱰᱤᱝ ᱞᱮᱠᱷᱟ
ᱟᱛᱩ ᱨᱮᱱ ᱢᱤᱫ ᱞᱩᱲᱩ ᱦᱚᱲ ᱥᱚᱦᱚᱨ ᱛᱮᱭ ᱥᱮᱱ ᱟᱠᱟᱱᱟ᱾ ᱦᱚᱨ ᱦᱚᱨ ᱛᱮ ᱫᱟᱲᱟᱱ ᱚᱠᱛᱮ ᱩᱥᱩᱞ ᱩᱥᱩᱞ ᱫᱚᱞᱟᱱ ᱚᱲᱟᱜᱼᱮ ᱧᱮᱞ ᱮᱫᱟ᱾ ᱟᱫᱚ ᱢᱤᱫᱼᱴᱮᱱ ᱩᱥᱩᱞ ᱫᱚᱞᱟᱱ ᱚᱲᱟᱜ ᱧᱮᱞ ᱠᱟᱛᱮᱜᱼᱮ ᱛᱤᱝᱜᱩ ᱮᱱᱟ᱾ ᱟᱨ ᱚᱱᱟ ᱫᱚᱞᱟᱱ ᱛᱤᱱᱟᱹᱜ ᱛᱚᱞᱟᱣᱟ ᱚᱱᱟᱭ ᱞᱮᱠᱷᱟ ᱠᱟᱱᱟ᱾ ᱩᱱ ᱚᱠᱛᱚ ᱥᱚᱦᱚᱨ ᱨᱮᱱ ᱢᱤᱫ ᱴᱷᱚᱠ ᱦᱚᱲ ᱩᱱᱤᱭ ᱧᱮᱞ ᱧᱟᱢ ᱠᱤᱫᱤᱭᱟ᱾ ᱟᱨ ᱥᱮᱱ ᱥᱩᱨ ᱠᱟᱛᱮᱜ ᱫᱷᱚᱢᱠᱟᱣ ᱟᱛᱮᱭ ᱠᱩᱞᱤ ᱠᱤᱫᱤᱭᱟ, "ᱟᱹᱭ ᱟᱢ ᱫᱚ ᱱᱚᱱᱰᱮ ᱪᱮᱫ ᱮᱢ ᱪᱮᱠᱟ ᱠᱟᱱᱟ?"
ᱥᱚᱦᱚᱨ ᱨᱮᱱ ᱦᱚᱲ ᱟᱨᱦᱚᱸ ᱫᱷᱚᱢᱚᱠ ᱟᱛᱮᱭ ᱢᱮᱱ ᱠᱮᱫᱟ, "ᱛᱤᱱᱟᱹᱜ ᱛᱟᱞᱟᱢ ᱞᱮᱠᱷᱟ ᱠᱮᱫᱟ?"
ᱟᱛᱩ ᱨᱮᱱ ᱦᱚᱲᱮ ᱢᱮᱱ ᱠᱮᱫᱟ, " ᱜᱮᱞ ᱛᱟᱞᱟᱧ ᱞᱮᱠᱷᱟ ᱟᱠᱟᱫᱟ᱾"
ᱥᱚᱦᱚᱨ ᱨᱮᱱ ᱦᱚᱲᱮ ᱢᱮᱱ ᱠᱮᱫᱟ, "ᱜᱮᱞ ᱛᱟᱞᱟᱢ ᱞᱮᱠᱷᱟ ᱠᱮᱫᱟ, ᱫᱮᱱ ᱢᱤᱫ ᱥᱟᱭ ᱴᱟᱠᱟ᱾"
ᱟᱛᱩ ᱨᱮᱱ ᱦᱚᱲ ᱫᱚ ᱵᱚᱛᱚᱨ ᱛᱮ ᱢᱤᱫ ᱥᱟᱭ ᱴᱟᱠᱟᱭ ᱮᱢᱟᱫᱤᱭᱟ᱾ ᱥᱚᱦᱚᱨ ᱨᱮᱱ ᱦᱚᱲ ᱫᱚ ᱚᱱᱟ ᱴᱟᱠᱟ ᱦᱟᱛᱟᱣ ᱠᱟᱛᱮᱜᱼᱮ ᱪᱟᱞᱟᱣ ᱮᱱᱟ᱾ ᱟᱫᱚ ᱟᱛᱩ ᱨᱮᱱ ᱦᱚᱲ ᱫᱚ ᱢᱚᱱᱮ ᱢᱚᱱᱮᱭ ᱨᱟᱹᱥᱠᱟ ᱮᱱᱟ᱾ ᱟᱨᱮ ᱢᱮᱱ ᱠᱮᱫᱟ, "ᱞᱩᱲᱩ ᱮᱲᱟᱝᱤᱧ ᱴᱷᱚᱠᱟ ᱠᱤᱫᱤᱭᱟ᱾ ᱵᱟᱨ ᱜᱮᱞ ᱛᱟᱞᱟ ᱞᱮᱠᱷᱟ ᱠᱟᱛᱮᱜ ᱜᱮᱞ ᱛᱟᱞᱟᱧ ᱞᱟᱹᱭ ᱟᱠᱟᱫᱤᱭᱟ᱾"
