ᱵᱚᱱᱚᱞᱚᱛᱟ ᱥᱮᱱ
ᱡᱤᱵᱚᱱᱟᱱᱚᱱᱫᱚ ᱫᱟᱥ
ᱛᱚᱨᱡᱚᱢᱟ - ᱥᱩᱵᱟᱥ ᱢᱩᱨᱢᱩ
ᱜᱮᱞᱥᱟᱭ ᱥᱮᱨᱢᱟᱧ ᱛᱟᱲᱟᱢᱮᱫ ᱫᱷᱟᱹᱨᱛᱤ
ᱨᱮᱱᱟᱜ ᱦᱚᱨ ᱨᱮ
ᱥᱤᱝᱦᱚᱞ ᱫᱚᱨᱮᱭᱟ ᱠᱷᱚᱱ ᱧᱤᱫᱟᱺ ᱨᱮᱱᱟᱜ
ᱧᱩᱛ ᱢᱟᱞᱚᱭ ᱜᱟᱰᱟ ᱨᱮ
ᱟᱭᱢᱟᱧ ᱟᱹᱪᱩᱨᱮᱱᱟ ᱤᱧ; ᱧᱩᱛ
ᱫᱷᱩᱸᱛ ᱡᱟᱠᱟᱛ ᱨᱮ
ᱚᱱᱰᱮᱧ ᱛᱟᱦᱮᱠᱟᱱᱟ ᱤᱧ; ᱟᱨᱦᱚᱸ
ᱥᱟᱺᱜᱤᱧ ᱧᱩᱛ ᱨᱮ ᱵᱤᱫᱚᱨᱵᱷᱚ ᱱᱚᱜᱚᱨ ᱨᱮ;
ᱤᱧ ᱫᱚ ᱞᱟᱝᱜᱟ ᱡᱤᱣᱤ, ᱵᱮᱲᱦᱟᱭᱛᱮ
ᱡᱤᱭᱳᱱ ᱨᱮᱱᱟᱜ ᱫᱚᱨᱮᱭᱟ ᱯᱷᱚᱛᱚᱭᱮᱱ,
ᱤᱧ ᱛᱷᱚᱲᱟᱜᱟᱱ ᱥᱟᱹᱱᱛᱤᱭ ᱮᱢᱟᱫᱤᱧ
ᱛᱟᱦᱮᱱ ᱱᱟᱴᱳᱨ ᱨᱮᱱ ᱵᱚᱱᱚᱞᱚᱛᱟ ᱥᱮᱱ᱾
ᱩᱵ ᱛᱟᱭ ᱛᱤᱥ ᱨᱮᱱᱟᱜ ᱧᱩᱛ ᱧᱤᱫᱟᱺ ᱟᱫᱚᱜ
ᱫᱤᱥᱟᱹ,
ᱢᱮᱫᱼᱦᱟᱸ ᱛᱟᱭ ᱥᱨᱟᱵᱚᱥᱛᱤ ᱨᱮᱱᱟᱜ
ᱠᱷᱚᱫᱟ; ᱟᱹᱰᱤ ᱥᱟᱺᱜᱤᱧ ᱫᱚᱨᱮᱭᱟ ᱪᱮᱛᱟᱱᱨᱮ
ᱵᱟᱫᱚᱢ ᱵᱮᱜᱚᱨ ᱚᱠᱚᱭ ᱱᱟᱹᱵᱤᱠ ᱟᱫ
ᱟᱠᱟᱫᱟᱭ ᱫᱤᱥᱟᱹ
ᱦᱟᱹᱨᱤᱭᱟᱹᱲ ᱜᱷᱟᱸᱥ ᱨᱮᱱᱟᱜ ᱫᱤᱥᱟᱹᱢ
ᱛᱤᱱᱨᱮ ᱩᱱᱤᱭ ᱧᱮᱞ ᱫᱟᱨᱩᱪᱤᱱᱤᱼᱫᱷᱤᱯ ᱛᱟᱞᱟᱨᱮ
ᱚᱝᱠᱟᱜᱤᱧ ᱧᱮᱞ ᱞᱤᱫᱤᱭᱟ ᱩᱱᱤ ᱧᱩᱛᱨᱮ;
ᱢᱮᱱᱞᱮᱫᱟᱭ, "ᱤᱱᱟᱹᱜ ᱫᱤᱱ ᱚᱠᱟᱨᱮᱢ ᱛᱟᱦᱮᱞᱮᱱ?"
ᱪᱮᱬᱮ ᱛᱩᱠᱟᱹ ᱞᱮᱠᱟ ᱢᱮᱫᱼᱛᱮ ᱠᱚᱭᱚᱜ
ᱠᱟᱛᱮᱜ ᱱᱟᱴᱳᱨ ᱨᱮᱱ ᱵᱚᱱᱚᱞᱚᱛᱟ ᱥᱮᱱ᱾
ᱢᱟᱦᱟ ᱢᱩᱪᱟᱹᱫ ᱨᱮ ᱥᱤᱥᱤᱨ ᱧᱩᱨᱩᱜ ᱥᱟᱰᱮ
ᱞᱮᱠᱟ
ᱧᱩᱦᱩᱢ ᱦᱟᱹᱡᱩᱜ; ᱯᱷᱟᱸᱠᱲᱟᱹᱜ ᱨᱮᱱᱟᱜ
ᱥᱤᱛᱩᱝᱼᱥᱚ ᱠᱩᱸᱲᱤᱫᱼᱮ ᱠᱚᱴᱟ ᱥᱟᱯᱟᱭ;
ᱫᱷᱟᱹᱨᱛᱤ ᱨᱮᱱᱟᱜ ᱡᱚᱛᱚ ᱨᱚᱝ ᱟᱺᱲᱤᱡ
ᱞᱮᱱᱠᱷᱟᱱ ᱢᱩᱪᱟᱹᱫ ᱥᱟᱯᱲᱟᱣ ᱞᱮᱠᱟ
ᱤᱱ ᱡᱚᱠᱷᱚᱡ ᱡᱟᱹᱲ ᱨᱮᱱ ᱵᱟᱠᱼᱡᱩᱞᱩ ᱣᱟᱜ
ᱨᱚᱝ ᱨᱮ ᱡᱷᱚᱞᱢᱚᱞᱟᱭ;
ᱡᱚᱛᱚ ᱪᱮᱬᱮ ᱛᱩᱠᱟᱹ ᱠᱩ ᱨᱩᱣᱟᱹᱲ -ᱡᱚᱛᱚ
ᱜᱟᱰᱟ ᱠᱩ ᱢᱩᱪᱟᱹᱛ ᱡᱤᱣᱤ ᱨᱮᱱᱟᱜ ᱞᱮᱱᱫᱮᱱ
ᱛᱟᱦᱮᱱᱟᱭ ᱠᱷᱟᱹᱞᱤ ᱧᱩᱛ ᱨᱮ, ᱥᱟᱢᱟᱝ ᱨᱮ
ᱫᱩᱲᱩᱵ ᱞᱟᱹᱜᱤᱫ ᱵᱚᱱᱚᱞᱚᱛᱟ ᱥᱮᱱ᱾
